સ્મૃતિપર્વ ૨૦૨૫

સ્વયં પર વિજય મેળવશો તો, જીત તમારી જ થશે.
 જો સંઘર્ષ ને પોતાની આદત બનાવી લેશો  તો સફળતા તમારી તકદીર બની જશે.
      શાળા પરિવાર તરફથી ચૈતન્ય લક્કડને ખૂબ ખૂબ અભિનંદન

ઇસરોની યુવિકા ક્વિઝમાં સંસ્કારદીપના ચૈતન્યની પસંદગી  યુવા વૈજ્ઞાનિક તરીકે Nation's top 10 માં સ્થાન.

તારીખ 11 જુલાઈ 2025ના રોજ સંસ્કારદીપ વિદ્યાલય ને 34 વર્ષ પૂર્ણ થઈ 35 માં વર્ષમાં મંગલ પ્રવેશ કર્યો છે તે અનુસંધાનમાં શાળા પરિસરમાંઆઉટડોર જિમ્નેશિયમ આકાર પામવાનું હોવાથી તે અર્થે ભૂમિ પૂજન,એસ્ટ્રોનોમિક ગેલેરી તથા સ્માર્ટ બોર્ડ જેવા પ્રકલ્પો નું અનાવરણ કરવામાં આવ્યું હતું.

અંકલેશ્વર જી.આઇ.ડી.સી માં આવેલ શ્રીમતી પી. ડી. સંસ્કારદીપ વિદ્યાલયમાં આજ રોજ સ્વાતંત્ર્યપર્વની ઉજવણી કરવામાં આવી હતી ધોરણ- 10 માં દ્વિતીય ક્રમાંક મેળવનાર નિષ્ઠા જોષીના વાલી રાજેશકુમાર જોષીના વરદ હસ્તે ધ્વજા રોહણ કરાવવામાં આવ્યું હતું. કાર્યક્રમની શરૂઆત પ્રાર્થના, ધ્વજવંદન, પ્રાસંગિક વક્તવ્ય અને દેશભક્તિ ગીતથી રજૂ કરી કાર્યક્રમને શોભાન્વિત કરવામાં આવ્યો હતો ત્યારબાદ મુખ્ય મહેમાનશ્રી તેમજ સંસ્કારદીપ ટ્રસ્ટના માનદ્દમંત્રી હિતેનસર દ્વારા પ્રસંગને અનુરૂપ આશિર્વચન પાઠવવામાં આવ્યા હતા ત્યારબાદ કાર્યક્રમની પૂર્ણાહુતિ કરવામાં આવી હતી.

સંસ્કારદીપ વિદ્યાલયમાં બાળ વૈજ્ઞાનિક પ્રદર્શન 2025-26નું આયોજન કરવામાં આવ્યું, જેમાં જી.આઈ.ડી.સી. અંકલેશ્વરની કુલ 21 શાળાઓએ ઉત્સાહભેર ભાગ લીધો હતો. આ 21 શાળાઓમાંથી કુલ 58 કૃતિઓ રજૂ કરવામાં આવી હતી. કાર્યક્રમમાં પ્રતિભાશાળી વિદ્યાર્થીઓએ તેમના સર્જનાત્મક મોડેલનું સફળ પ્રદર્શન કર્યું.

26 જાન્યુઆરી 2026

તારીખ - 23/12/2025 ના રોજ નવસારી મુકામે કલા મહાકુંભ ઝોન કક્ષાની સ્પર્ધા યોજાઈ હતી જેમાં સંસ્કારદીપ વિદ્યાલયની વિદ્યાર્થિની કુ.સંધ્યા વાળા તથા મનસ્વી એ લોક વાર્તામાં શાળાનું પ્રતિનિધિત્વ કર્યું હતું જેમાં કુ.સંધ્યા વાળા એ દ્વિતીય સ્થાન પ્રાપ્ત કરી શાળાનું ગૌરવ વધાર્યું છે.

આ વિદ્યાર્થીની તારીખ - 31/12/2025 ના રોજ સુરત મુકામે કલા મહાકુંભમાં લોકવાર્તામાં રાજ્ય કક્ષાએ શાળાનું પ્રતિનિધિત્વ કરશે શાળા પરિવાર તરફથી ખુબ ખુબ શુભેચ્છા...

સ્મૃતિપર્વ 2026

અમી ઓર્ગેનિકસ પ્રાઇવેટ લિમિટેડ કંપની દ્વારા શાળાને CSR અંતર્ગત શ્રેષ્ઠ ડોનેશન મળેલ છે.શાળાએ તે ડોનેશન દ્વારા દરેક વર્ગમાં સ્માર્ટ બોર્ડની સુવિધા ઉપલબ્ધ કરી છે.આજરોજ અમી ઓર્ગેનિક્સ કંપનીના શ્રી હેમંત પટેલ (Senior General Manager of HR)અને શ્રી પાયલ ગજ્જર (Senior Manager of HR) CRSના ઓડિટર દ્વારા શાળાની મુલાકાત લીધી.

આજરોજ તારીખ 27 /3/ 2026 ને શુક્રવારના રોજ શૈક્ષણિક સત્ર વર્ષ 2025-26ના વર્ષાંતે વિદ્યાલયના ટ્રસ્ટી મંડળ તથા શિક્ષક ગણની મિટિંગનું આયોજન કરવામાં આવ્યું હતું.

સંસ્કારદીપ વિદ્યાલયમાં શાળાના પીઈ શિક્ષક કિન્નરીબેન મોદી  તથા શિક્ષકો દ્વારા વિદ્યાર્થીનીઓને સ્વ રક્ષણ અંગે માર્ગદર્શન આપવામાં આવ્યું હતું.

આજના શુભ દિવસે શાળામાં શૈક્ષણિક સત્ર વર્ષ 2026–27 ની શરૂઆત મા શારદાની આરાધના સાથે કરવામાં આવી જે જ્ઞાન, વિદ્યા અને સંસ્કારનો પવિત્ર પ્રારંભ દર્શાવે છે.

મા શારદા (સરસ્વતી માતા)ની કૃપાથી વિદ્યાર્થીઓના જીવનમાં જ્ઞાનનો પ્રકાશ ફેલાય, શિક્ષકોને પ્રેરણા મળે અને સમગ્ર શાળા પરિવારમાં સકારાત્મક ઊર્જાનો પ્રવાહ વધે — એવી હાર્દિક પ્રાર્થના.

નવા શૈક્ષણિક વર્ષ માટે તમામ વિદ્યાર્થીઓ અને શિક્ષકોને શુભેચ્છાઓ — આ વર્ષ સફળતા, સિદ્ધિ અને પ્રગતિથી ભરેલું રહે એવી અભ્યર્થના..

Inaugurations Of Robotics And AI Labs

આજે શ્રીમતી પુષ્પાવતી દેવીદાસ શ્રોફ સંસ્કારદીપ વિદ્યાલય ખાતે આધુનિક સુવિધાઓથી સજ્જ AI તથા રોબોટિક્સ લેબનું ભવ્ય ઉદ્ઘાટન કરવામાં આવ્યું. આ લેબનો મુખ્ય હેતુ વિદ્યાર્થીઓમાં નવીનતા, સંશોધન અને ટેક્નોલોજી પ્રત્યેની રસિકતા વધારવાનો છે.
કાર્યક્રમમાં મુખ્ય અતિથિ તરીકે acutaas કેમિકલ લિમિટેડના કંપની સેક્રેટરી શ્રીમતી આરતીબેને પોતાના ઉદ્બોધનમાં જણાવ્યું કે આ પ્રકારની લેબ વિદ્યાર્થીઓને ભવિષ્યની ટેક્નોલોજી માટે સજ્જ બનાવશે અને દેશના ડિજિટલ વિકાસમાં મહત્વપૂર્ણ યોગદાન આપશે.
લેબમાં આધુનિક સાધનો, AI આધારિત સોફ્ટવેર, અને રોબોટિક્સ કિટ્સ ઉપલબ્ધ છે, જે વિદ્યાર્થીઓને પ્રેક્ટિકલ જ્ઞાન પ્રાપ્ત કરવામાં મદદરૂપ થશે. આ સાથે વિદ્યાર્થીઓને પ્રોજેક્ટ આધારિત શિક્ષણ અને ઇનોવેશન માટે પ્રોત્સાહિત કરવામાં આવશે.
આ પ્રસંગે  જણાવ્યું કે સંસ્થા હંમેશા નવીનતા અને ગુણવત્તાસભર શિક્ષણ માટે પ્રતિબદ્ધ રહી છે, અને આ લેબ તે દિશામાં એક મહત્વપૂર્ણ પગલું છે.
આ કાર્યક્રમમાં acutaas કંપનીના ડિરેક્ટર શ્રી વિરેન્દ્ર મિશ્રા તથા તેમની ટીમ, સંસ્કાર દીપ ટ્રસ્ટના  ટ્રસ્ટીગણ અને અન્ય આગેવાનો મોટી સંખ્યામાં ઉપસ્થિત રહ્યા હતા. અંતમાં સૌએ આ નવી પહેલ માટે શુભેચ્છાઓ પાઠવી.

શ્રીમતી પુષ્પાવતી દેવીદાસ શ્રોફ સંસ્કાર દીપ વિદ્યાલયમાં 6th Bhartiya science techno festival 2026 ના નવા શૈક્ષણિક સત્રમાં આયોજન કરવામાં આવશે તે અંતર્ગત આજરોજ BSTF ના કન્વીનર શ્રી સંદીપ ભાઈ પાટીલે શાળાના શિક્ષકો સાથે કાર્યક્રમના પૂર્વ આયોજન માટે  ચર્ચા વિચારણા કરી.

શ્રીમતી પુષ્પાવતી દેવીદાસ શ્રોફ સંસ્કાર દીપ વિદ્યાલયમાં 6th Bhartiya science techno festival 2026 ના નવા શૈક્ષણિક સત્રમાં આયોજન કરવામાં આવશે તે અંતર્ગત આજરોજ BSTF ના કન્વીનર શ્રી સંદીપ ભાઈ પાટીલે શાળાના શિક્ષકો સાથે કાર્યક્રમના પૂર્વ આયોજન માટે  ચર્ચા વિચારણા કરી.

આજનું શિક્ષણ માત્ર પુસ્તકો પૂરતું મર્યાદિત નથી. ભવિષ્યની જરૂરિયાતોને ધ્યાનમાં રાખીને, અમારી શાળામાં શિક્ષકો માટે Artificial Intelligence (AI) અને Robotics પર એક વિશેષ તાલીમ શિબિરનું આયોજન કરવામાં આવ્યું હતું.

​આ સેમિનારનો મુખ્ય ઉદ્દેશ્ય શિક્ષકોને આધુનિક ટેકનોલોજીથી સજ્જ કરવાનો છે જેથી તેઓ વિદ્યાર્થીઓને આવતીકાલના પડકારો માટે તૈયાર કરી શકે. નવીનતમ ગેજેટ્સ અને કોડિંગના માધ્યમથી શિક્ષણને વધુ રસપ્રદ બનાવવાનો અમારો આ એક નમ્ર પ્રયાસ છે.

"સારો વ્યવહાર એ જ એવી ચાવી છે જે કોઈપણ દિલનું તાળું સરળતાથી ખોલી શકે છે.”

આજે સંસ્કારની વિદ્યાલયના ચિત્ર શિક્ષક શ્રી મહેન્દ્રભાઈ દ્વારા લેખક ડો. વિજય ઠક્કરનું પુસ્તક 'લોક વ્યવહાર દ્વારા દિલ જીતવાની કળા' પર બુક રીવ્યુ આપવામાં આવ્યું આ પુસ્તકમાં લેખક મુખ્ય રીતે કહેવા માંગે છે કે માણસ પોતાના સારા વર્તન (લોક વ્યવહાર) દ્વારા બીજા લોકોના દિલ જીતી શકે છે.

ટૂંકમાં કહી શકાય કે

• માણસનો સ્વભાવ, બોલવાની રીત અને વર્તન તેની સૌથી મોટી ઓળખ છે.

• મીઠી ભાષા, સન્માન અને સમજણથી સંબંધો મજબૂત બને છે.

• અહંકાર, ગુસ્સો અને ખરાબ બોલચાલથી લોકો દૂર થઈ જાય છે.

• લોકોની લાગણીઓ સમજવી અને તેમની કદર કરવી ખૂબ મહત્વની છે.

• સારો સંવાદ (communication) અને સહાનુભૂતિ સફળ જીવનની ચાવી છે.

સારાંશમાં, પુસ્તક આપણને શીખવે છે કે “સાચો માણસ બનવો હોય તો પહેલાં સારો વ્યવહાર શીખવો” — કારણ કે દિલ જીતવું જ સાચી સફળતા છે.

આજની જનની ચિંતન સભામાં ભરૂચ યશોજય હોસ્પિટલના "ડૉ. રૂપલ ત્રિવેદી" દ્વારા HPV (હ્યુમન પાપિલોમાવાઇરસ) અને ગર્ભાશયના કેન્સર વિશે સામાન્ય રીતે મહત્વપૂર્ણ માહિતી આપી હતી

HPV (હ્યુમન પાપિલોમાવાઇરસ) એ એક પ્રકારનો વાયરસ છે, જે સ્ત્રીઓમાં ગર્ભાશયના કેન્સર માટે મુખ્ય કારણ માનો છે. આ વાયરસના વિવિધ પ્રકારો હોય છે, પરંતુ ખાસ કરીને HPV 16 અને HPV 18 પ્રકારના વાયરસ ગર્ભાશયના કેન્સર માટે વધુ જોખમ ધરાવનારા છે. એમણે બીજા ઘણા કારણ જણાવ્યા જેમાં ગર્ભ નિરોધક ગોળીનો વધારે ઉપયોગ, નાની વયે માતૃત્વ ધારણ કરવું, જનનેન્દ્રિયોની અપૂરતી સ્વચ્છતા થી સર્વાઇકલ કેન્સરના કરણો તથા તેમાંથી કેવી રીતે બચી શકાય તેની સમજ આપી હતી. જેમાં પેપ સ્મીમઅર, કોલ્પોસ્કોપી અને બાયોપ્સી ટેસ્ટ દ્વારા નિદાન થઈ શકે છે.

તેમણે જણાવ્યું હતું કે 9થી14ની દીકરીઓને HPV રસીકરણ દ્વારા આ કેન્સર ને અટકાવી શકાય છે.

આજ રોજ તા 28/4/2026 મંગળવારે સંસ્કાર દીપ વિદ્યાલયમાં ધોરણ 8, 9 અને 10 માટે નવા શૈક્ષણિક સત્રની શરૂઆત નિમિત્તે ટ્રસ્ટી મંડળ સાથે એક મહત્વપૂર્ણ મિટિંગનું આયોજન કરવામાં આવ્યું છે.

આ મિટિંગમાં વિદ્યાર્થીઓના સર્વાંગી વિકાસ માટે શાળામાં શરૂ કરવામાં આવેલી નવી AI & Robotics Lab વિશે વિગતવાર માહિતી આપવામાં આવી.આ લેબ દ્વારા વિદ્યાર્થીઓને આધુનિક ટેક્નોલોજી (AI) અને રોબોટિક્સ વિષયક પ્રાયોગિક જ્ઞાન પ્રાપ્ત થશે, જે તેમના ભવિષ્ય માટે અત્યંત ઉપયોગી રહેશે.